Ek waqt tha jab me tera, tu meri hua karti thi,
Ek waqt tha jab hamari bhi mulakaat hua karti thi
Wo bagicho me ham bhi kabhi din bhar betha karte the
Ankho hi ankho me ek duje ko ham samjha karte the
Mar mitne ko taiyar the ek duje k ham waste
Par samaaj ko aitraz tha is rishte k andaz pe
Jab padh rahe the sath me, toh koi galti thi nahi
Jab ji rahe the sath me, toh koi aafat thi nahi
Par pyaar kar bethe the ham bus yahi galti thi hui
Toh kya hua naam Khan hai, hu toh ek insaan me
Ek mauka hi de do, bankar dikhaunga Radha ka Shyam me
Par nahi samajha paya in pandito aur mullao ko me,
K hu Hindustani, na hindu muslim sikh isai me
Karke juda mujhe usse khush hai aaj samaj ye
Par kaise samjhau is samaj ko, maza toh hai intezaar me. . . .